Kulhad Pizza Couple ਫਿਰ ਤੋਂ ਇਕ ਵਾਰ ਵਿਵਾਦ
ਅੰਮ੍ਰਿਤਸਰ (ਰਵਿੰਦਰ) : ਕੁਝ ਦਿਨ ਪਹਿਲਾਂ ਸੋਸ਼ਲ ਮੀਡੀਆ ’ਤੇ ਗੰਨ ਕਲਚਰ ਨੂੰ ਉਤਸ਼ਾਹਿਤ ਕਾਰਨ ਵਾਲੇ ਪੀਜ਼ਾ ਕਪਲ ਕਾਫੀ ਸੁਰਖੀਆਂ ’ਚ ਰਹੇ ਸਨ। ਪਿਛਲੇ ਦਿਨੀਂ ਪੀਜ਼ਾ ਜੋੜੇ ਅਤੇ ਗੁਆਂਢੀ ਵਿਚਕਾਰ ਗਾਲੀ-ਗਲੋਚ ਦੀ ਵੀਡੀਓ ਵਾਇਰਲ ਹੋਈ ਸੀ, ਜਿਸ ਕਾਰਨ ਲੋਕਾਂ ’ਚ ਕਾਫੀ ਚਰਚਾ ਰਹੀ। ਗਾਲੀ-ਗਲੋਚ ਨੂੰ ਲੈ ਕੇ ਪੀਜ਼ਾ ਜੋੜੇ ਅਤੇ ਗੁਆਂਢੀਆਂ ਦੀ ਲੜਾਈ ਥਾਣਾ ਡਵੀਜ਼ਨ ਨੰ. 4 ’ਚ ਪਹੁੰਚ ਗਈ ਤੇ ਦੋਵਾਂ ਧਿਰਾਂ ਨੇ ਪੁਲਸ ਕੋਲ ਲਿਖਤੀ ਸ਼ਿਕਾਇਤ ਦਰਜ ਕਰਵਾਈ ਹੈ।
ਇਸ ਸਬੰਧੀ ਥਾਣਾ ਨੰ. 4 ਦੇ ਐੱਸ. ਐੱਚ. ਓ. ਮੁਕੇਸ਼ ਕੁਮਾਰ ਨੇ ਦੱਸਿਆ ਕਿ ਦੋਵਾਂ ਧਿਰਾਂ ਨੇ ਸ਼ਿਕਾਇਤਾਂ ਦਿੱਤੀਆਂ ਹਨ, ਜਿਨ੍ਹਾਂ ਦੀ ਜਾਂਚ ਚੱਲ ਰਹੀ ਹੈ। ਜਾਂਚ ਦੌਰਾਨ ਜੋ ਵੀ ਮੁਲਜ਼ਮ ਸਾਹਮਣੇ ਆਇਆ, ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
